Bawal (Lucky 13)

Lahat ng bagay kanilang ipinagbabawal

Dapat nasa tama at may kabutihang asal

Palaging tandaan, ’wag kalimutan ang kanilang aral

Dahil talino’t ugali ‘yan sa atin ang nagbibigay dangal

Huwag maingay tuwing may klase

Huwag makipag-usap sayong katabi

Sa kanila ka lang dapat makinig

Mga turo nila ay dapat marinig

Huwag magtapon ng basura kahit saan

Ito’y replika ng iyong katauhan

At kung paano mo pahalagahan ang kalinisan

Hindi lang sa panlabas na anyo, pati sa bukal na kalooban

Mag-aral ka ng mabuti

Huwag kumopya sa iyong kaklase

Suotin ang tamang uniporme

Magbigay galang sa nakararami

Gawing mabuti ang yong takdang-aralin

Palaging sundin ang kanilang mga bilin

Dahil ang lahat ng yan ay para sayo rin

Ang ikabubuti mo ay kanilang mithiin

Nakakairita na ang maraming bawal!!!

Ngunit kung saan maraming ipinagbabawal

Siya ang may tunay na nagmamahal.